Friday, July 17, 2009

ငယ်ငယ်တုန်းက အာဇာနည်နေ့

အာဇာနည်နေ့ကို ရောက်တော့မယ်ဆိုတော့ ငယ်ငယ်တုန်းက အာဇာနည်နေ့ကို သတိရမိတယ်။ မမေ့အပ်သော နေ့တွေထဲမှာ အာဇာနည်နေ့ ကထိပ်ဆုံးကပါတယ်။ ကျွန်တော် ငယ်ငယ်တည်းက လွတ်လပ်ရေးနေ့၊ ပြည်ထောင်စုနေ့ စတာတွေထက် အာဇာနည်နေ့ဆိုတာကို အရင်ဆုံး မှတ်မိနေတယ်။ ဘာဖြစ်လို့လဲ ဆိုတော့ အာဇာနည်နေ့ရောက်ရင် အလေးပြု ရတော့မယ်ဆိုတာကို သိနေတယ်လေ။ နေ့လည် ၁၀း၃၇ အချိန်ရောက်တာနဲ့ မြန်မာ့အသံကနေပြီးတော့ ဥသြ ဆွဲတော့တာပဲ ဒီအချိန်မှာဆို ကျွန်တော်ဘာလုပ်နေနေ အလေးပြုတော့တာပေါ့။ ငယ်ငယ်တုန်းက အာဇာနည်နေ့တိုင်း အလေးပြုခဲ့ဘူးပါတယ်။ လေးငါးနှစ်လောက်ဆက်တိုက်ဖြစ်မယ်ထင်ပါတယ်လေ။

တကယ်တမ်းမှတ်မိနေတာ တစ်နေ့ပဲရှိတော့တယ် ကျန်တာတွေကို စဉ်းစားလို့မရတော့ဘူး။ အဲဒီမှတ်မိနေတဲ့နေ့လေးက ကျွန်တော်က အခန်းထဲက ဖေဖေ မေမေတို့ အိပ်ယာပေါ်မှာ ကစားနေတယ်။ ကျွန်တော်တို့အိမ်မှာ အဲဒီအချိန်က ရေဒီယို မရှိသေးဘူး ကျွန်တော်တို့ ခေါင်းရင်းကအိမ်မှာ ရေဒီယို ရှိတယ်။ ကျွန်တော်သိလိုက်တာက ဖေဖေ နဲ့ မေမေ ကလှမ်းကစကားပြောတာ အာဇာနည်နေ့အတွက် ဥသြဆွဲပြီတဲ့ သားလေး ထထ အလေးပြုလိုက်တဲ့။ ကျွန်တော် ငယ်ငယ်စစ်သား အရမ်းဖြစ်ချင်ခဲ့တာပါ အလေးပြုတယ်ဆိုတာ ကျွန်တော်ကျွမ်းကျင်တဲ့ အလုပ်ပဲ။ ကျွန်တော်ငယ်ငယ်က စစ်တပ်ထဲလိုက်သွားပြီး လျှောက်လည်တဲ့အခါ စစ်ခရာနဲ့ အလေးပြုနေတာတွေ့တော့ ပိုပြီးဝါသနာပါတယ်။ ဒါကြောင့်ကျွန်တော်လည်းထပြီး အလေးပြုလိုက်တာပေါ့ တကယ်တော့ အဲဒီအချိန်တုန်းက အာဇာနည်နေ့ဆိုတာ ဘယ်လောက်စိတ်ထိခိုက် ပြီးနာကြည်းစရာကောင်းတယ်ဆိုတာ အသက်ငယ်သေးတဲ့ ကျွန်တော်မသိသေးပါဘူး နောင်နှစ်တွေမှာလည်း ဘာမှန်းမသိပေမယ့် အလေးပြုတာတော့မပျက်ကွက်ပါဘူး။ နောက်တော့မှ မိဘတွေပြောပြတာ ဗိုလ်ချုပ်အောင်ဆန်းနှင့် တကွ အာဇာနည်ခေါင်းဆောင်ကြီးတွေ ကျဆုံးတဲ့ နေ့တဲ့ ဒါကြောင့်မိုလို့ အလေးပြု လို့ရအောင် မြန်မာ့အသံ ကဥသြဆွဲပေးတယ်လို့ ရှင်းပြပါတယ်။ ကျွန်တော် က အသက် ၄ နှစ် ၅ နှစ်လောက်ပဲ ရှိဦးမယ်ထင်တယ်။ ဒါပေမယ့် အာဇာနည်နေ့ ရောက်တိုင်းကျွန်တော် မမေ့တော့ပါဘူး အခုအချိန်အထိလည်း ကျွန်တော် မှတ်မိနေဆဲပါပဲ။

ကျွန်တော်တို့ အသက်အရွယ်တွေက အာဇာနည်နေ့ကို မမေ့ကြပါဘူးလေ။ ဒါပေမယ့် မမေ့ကြတာ အကြောင်းအမျိုးအမျိုး ကြောင့်ဖြစ်နိုင်ပါတယ် ကိုယ့်တိုင်းပြည်အတွက် အသက်ပေးသွားတဲ့ ခေါင်းဆောင်ကြီးတွေ ကျဆုံးသွားလို့၊ အာဇာနည်နေ့ဆို ရုံးပိတ်မယ်၊ ကျောင်းပိတ်မယ် ဈေးပိတ်မယ်ပေါ့ စသဖြင့် ဖြစ်နိုင်ပါတယ်။ ဘာဖြစ်ဖြစ် သတိရနေသေးတာကောင်းပါတယ်။ ဒါပေမယ့် အာဇာနည်နေ့ က ဇူလိုင် ၁၉ ရက်ဖြစ်တယ်ဆိုတာလောက်ပဲ သတိထားမိနေသေးတာတော့ဝမ်းနည်းမိတယ်။ အာဇာနည်နေ့မှာ ကျဆုံးသွားတဲ့ ခေါင်းဆောင်ကြီးတွေထဲက တိုင်းပြည်အတွက် အရမ်းအရေးပါတဲ့ ဗိုလ်ချုပ်အောင်ဆန်း နှင့်တကွ ခေါင်းဆောင်ကြီးတွေ အကြောင်းကို တချို့လူငယ်တွေမသိကြတော့ဘူး။ လွန်ခဲ့တဲ့ ငါးနှစ်လောက်က ကျွန်တော် စိတ်မကောင်း တော်တော် ဖြစ်သွားတယ်ဗျာ။ ဘာဖြစ်လို့လဲဆိုတော့ ကျွန်တော့် အသိအစ်ကိုကြီးတစ်ယောက်က သူ့ရုံးကကောင်မေလေးနှစ်ယောက် ကိုမေးဖူးတယ် ဖေဖော်ဝါရီလ ၁၂ ရက်နေ့က ဘာနေ့လဲဆိုတော့ ပြည်ထောင်စုနေ့တဲ့၊ ဖေဖော်ဝါရီလ ၁၄ ရက်နေ့က ဘာနေ့လဲဆိုတော့ ချစ်သူများနေ့တဲ့ သိတယ်ဗျာ။ ဖေဖော်ဝါရီလ ၁၃ ရက်နေ့ကဘာနေ့လဲ လို့မေးတော့ အဲဒီကောင်မလေးနှစ်ယောက်က ခေါင်းကုတ်သွားပြီး "အင်း သိတော့သိတယ် .... စိုင်းစိုင်းမွေးနေ့လား ထွန်းထွန်း(Example) ရဲ့မွေးနေ့လား မမှတ်မိတော့ဘူး" တဲ့ ကောင်းရောဗျာ။ အဲဒီတော့ ဘာပဲဖြစ်ဖြစ် အာဇာနည်နေ့ ကိုရုံးပိတ်လို့ပဲဖြစ်ဖြစ် ကျောင်းပိတ်လို့ပဲ ဖြစ်ဖြစ်မှတ်မိနေသေးတာကိုပဲ ကျေးဇူးတင်ရမလိုဖြစ်နေပါပြီ။ ကျွန်တော်ကတော့ အာဇာနည်နေ့ ရောက်တိုင်း ၀မ်းနည်းကြေကွဲမိတာ အမှန်ပါပဲဗျာ။

Tuesday, July 14, 2009

ကျွန်တော် နှင့် ဘောလုံးပွဲ


ဟိုတနေ့ က သူငယ်ချင်းတွေက ဘောလုံးပွဲအကြောင်းပြောကြတော့ ကိုယ်က ဘာမှမသိတော့ သူတို့ စကားဝိုင်းထဲ ၀င်မပြောနိုင်ဘူးဖြစ်နေတယ်။ သူငယ်ချင်းတွေ အားလုံးက ဘောလုံးပွဲကို စိတ်ဝင်စားကြတယ်။ သူတို့က ဘောလုံးပွဲစဉ်တွေ အားကစားသမားတွေအားလုံးကို သိတယ်လေ။တကယ်တော့ ဘောလုံးကန်တယ် ဆိုတာ ကျွန်တော် ကျွမ်းကျွမ်းကျင်ကျင်နဲ့ လိမ်လိုက်ခေါက်လိုက်နဲ့ မကစားတတ်ပါဘူး။ ကျွမ်းကျွမ်းကျင်ကျင် မကစားတတ်ဘူးဆိုပေမယ့် လုံးဝမကစားဘူးတော့မဟုတ်ဘူး။ အရင်တုန်းကတော့ တစ်ခါတစ်လေ အဖော်ကောင်းတဲ့အခါ ဘောလုံးကစားဖြစ်ပါတယ်။ အားကစားလုပ်တာ ကျန်းမာရေး ကောင်းတယ်လို့အများက ပြောကြတယ်၊ ဒါပေမယ့် အားကစားဆိုတာကလည်း အားလို့ကစားတာ၊ ကျန်းမာရေးအတွက် ကစားတာ၊ ၀ါသနာပါလို့ ကစားတာ စသဖြင့်ပေါ့ အများကြီး ရှိနိုင်ပါတယ်။ ကျွန်တော်ကတော့ ပိုက်ကျော်ခြင်းနဲ့ ကြက်တောင်ရိုက်တာကို သေချာကစားဖြစ်ပါတယ်။ ဘောလုံးကတော့ ကိုယ်မကျွမ်းကျင်တဲ့ ကစားနည်းဖြစ်တော့ သူငယ်ချင်းတွေများများနဲ့ အဖော်ကောင်းရင်တော့ ကစားဖြစ်တယ်။ ဘောလုံးပွဲ အကြောင်းလည်း သိပ်နားမလည်းဘူး ဘယ်သူကဘယ်အသင်းကလည်း ဆိုတာလည်း မသိဘူး၊ ဘယ်ကစားကွက်လည်းဆိုတာလည်း မသိပါဘူး၊ဘောလုံးပွဲလည်း မကြည့်ဖြစ်ပါဘူး။ ယောက်ကျားလေးဖြစ်ပြီး ဘောလုံးအကြောင်းနားမလည်ရမလားလို့ အပြစ်တင်လည်း ကျွန်တော် ကျေနပ်ပါတယ်။ ဒါပေမယ့် ဟိုတနေ့က ရတနာပုံ ဘောလုံးအသင်း ပထမရသွားတယ်ဆိုလို့ ၀မ်းသာမိတယ်။ ၀မ်းသာရတဲ့ အကြောင်းအရင်းကတော့ ပိုင်ရှင်က ကျွန်တော့် အစ်မ တစ်ယောက်ရဲ့ မိတ်ဆွေ ဖြစ်လို့လဲပါတယ်။ ကိုယ့်အစ်မ ရဲ့မိတ်ဆွေ ဆိုတော့ ကိုယ်လည်းမသိစိတ်က အနိုင်ရစေချင်နေတယ်လေ။

အခုပြန်ပြီး သတိရလို့ ကျွန်တော်တို့ ပါဝင်ခဲ့တဲ့ ဘောလုံးပွဲ အကြောင်းပြောရဦးမယ်၊ သူငယ်ချင်းတွေ အဖော်ကောင်းတာနဲ့ လိုက်သွားပြီး ကစားဖြစ်ခဲ့တာပါ။ "အလွတ်တန်း ဘောလုံးပြိုင်ပွဲ" ဆိုတော့ ကိုယ့်တွေလို ၀ါသနာရှင်တွေ ပဲလာပြီးကစားမယ်ထင်ခဲ့တာလည်းပါတယ်။ တကယ့်ကိုအပျော်ပဲဆိုပြီး ၀င်ပြီးစာရင်းပေးလိုက်ကြတာပေါ့။ ဘောလုံးပွဲ ကစားတော့မယ်ဆိုတော့ လေ့ကျင့်ကြရပြီလေ။ မနက်မနက်ဆို တက္ကသိုလ် လောလုံးကွင်းကိုသွားကြပြီး ၀တ်စုံပြည့်နဲ့ လေ့ကျင့်ကြတာ၊ ၀တ်စုံပြည့်နဲ့လေကျင့်ရတာလည်း အကြောင်းရှိတယ်၊ ဘယ်သူမှ ဘောလုံးကို ဘောကန်ဖိနပ်နဲ့ ကောင်းကောင်းမကန် တတ်ဘူး။ ဒါကြောင့် ဘယ်သူတွေ ဘာပြောပြောကိုယ်တွေ ကတော့ ကိုယ့်ဖာသာကိုယ်တောင် မနည်းချော်မလဲအောင် လုပ်ရတော့တာပေါ့။ ကွင်းထဲရောက်မှ ဖိနပ်မနိုင်လို့ ချော်မလဲမှာ စိုးလို့ လေ့ကျင့်တာနဲ့ ဘောလုံးတောင်ကောင်းကောင်း မလေ့ကျင့်နိုင်တော့ဘူး။ လေ့ကျင့်တာကနည်းနည်းပါ ခဏကစားပြီး နားနေလိုက် အအေးသောက်လိုက် သံပုရာသီးစားလိုက်နဲ့ အဆင်ကိုပြေလို့။ လေ့ကျင့်ခန်းက မနက်ပိုင်းလုပ်တယ်။ညနေပိုင်းက ဘီယာသောက်ကြတယ် မနက်ဖြန်အတွက် ကစားကွက်တွေကို ဆွေးနွေးကြတာ ဆိုပြီးခေါင်းစဉ်တပ်လိုက်တာပေါ့။

ဒီလိုနဲ့ ဘောလုံးကန်မယ့်ရက်ကို ရောက်ဖို့ တစ်ပတ်လောက်ပဲ ကျန်တော့တယ်။ အဲဒီမှာ ဒိုင်လူကြီးတွေဆီကို ပိုက်ပိုက်စုပြီး ရောက်အောင်သွားရတော့တာပဲ။ ကိုယ့်အသင်းအခြေအနေကို ကိုယ်တွေကအသိဆုံးလေ။ ဒိုင်လူကြီးတွေကို သွားပြီး ဖားရတော့တာပေါ့၊ သွားပြီးညှိရတော့တာပေါ့ ဖိုင်နယ်မရောက်ရင်နေ ပထမဦးဆုံးပွဲလေး နိုင်ရင်တော်ပြီပေါ့။ ကွင်းလယ်ဒိုင်က တစ်ပုံး၊ စည်းကြပ်ဒိုင် နှစ်ယောက်ကို ငါးပုလင်းဆီ လောက်ကန်တော့ လိုက်တယ်။ဒီတော့မှ ဒိုင်လူကြီးတွေက ပြောတယ် ဘောလုံးကို ၁၈ ကိုက်ထဲ (ပင်နယ်တီဧရိယာ) ထဲရောက်အောင် ဆွဲလာခဲ့ ပြီးရင် လှဲချလိုက် ပင်နယ်တီပေးမယ်။ တခြားအသင်းသားတွေကိုလည်း လူကျွံဘောတွေဖမ်းပေးမယ်၊ ပြစ်ဒဏ်ခဏခဏ ပေးမယ်ပေါ့။ တကယ်တန်းကန်လည်းကန်ရော စမ်းချောင်းလူငယ် အသင်းနဲ့တွေ့တာ တဖက်အသင်း ကလည်းကောင်းသလားမမေးနဲ့ နေ့တိုင်းကန်နေကြတဲ့။ တဖက်အသင်းက ကောင်းလွန်းတော့ ကျွန်တော်တို့မှာ ၁၈ ကိုက်ထဲမပြောနဲ့ ကိုယ့်အသင်းဘက်ခြမ်းကနေတောင် ကျော်အောင်မနည်းကန်ရတယ်။

ဒါပေမယ့် အသင်းအုပ်ချုပ်သူက ဘယ်လောက်တော်သလဲမမေးနဲ့ ကိုယ့်လူတွေက နည်းနည်းမောတာနဲ့ လှဲလှဲ ချနေတော့ သူကလည်းတော်တောင်နာလို့လှဲတယ်ထင်နေပြီး လက်ထဲ မှာကိုင်ထားတဲ့ ဒဏ်ကြေလိမ်းဆေးနဲ့ လာလာဖြန်းရတာ ဘောလုံးကန်သလောက်မောတယ်တဲ့ဗျာ။ နောက်ဆုံး မိနစ် ၉၀ ပြီးအောင်တောင် သေမလောက်ကစားလိုက်ရတယ်၊ ကျွန်တော်ဆို ကိုယ့်ကိုယ်ကို သေပြီတောင်ထင်တာ နားထဲကလေတွေထွက်ပြီး မျက်လုံးတွေဆိုပြာ နေတာပဲ။ နောက်ဆုံးပွဲပြီးသွားတော့မှ ခြေထောက်တွေကနာ လက်တွေကနာ ပြီး တကိုယ်လုံးလဲ ထုံနေတာပဲ။ ဘာဖြစ်လို့လဲ ဆိုတော့ အသင်းအုပ်ချုပ်တဲ့ ကိုယ်တော်ကြီးက သူလာလာဖြန်းပေးတာထုံဆေးပါတဲ့ဗျာ။ ကဲကောင်းကြသေးရဲ့လား ကျွန်တော်ကတော့ဘောလုံးကိုစိတ်နာတာ အဲဒီကတည်းကပါဗျာ။ ကျွန်တော်ကို ကြေးစားဘောလုံးပြိုင်ပွဲမှာ ငှါးမယ့်အသင်းပိုင်ရှင်တွေ ကိုသနားလို့ ဘောလုံးကို လှည့်ကိုမကြည့်တော့တာပါဗျာ...... အဲဒီတော့ဒီကောင်ဘောလုံးပွဲ အကြောင်းမသိတာ ဘာဆန်းလဲနော်...

(သူငယ်ချင်းတွေနဲ့ ဘောလုံးကန်တုန်းက အကြောင်းကိုသတိရမိလို့ပါ )

Wednesday, July 1, 2009

ပြုံးရယ်စရာဟာသ (၁)

(၁)မီးအားကျနေလို့


Customer : ကျွန်တော့်ကွန်ပျူတာ ဘာဖြစ်သွားလဲမသိဘူး

Technician: ဟုတ်ကဲ့ ဘယ်လိုဖြစ်သွားတာလဲ ခင်ဗျာ ကျွန်တော်ကြည့်လိုက်ဦးမယ်။ Power မ၀င်တော့ဘူး ဖြစ်နေတယ်။

Customer : ဟုတ်လား ဘာမှတော့အမှား မလုပ်မိပါဘူး။

Technician: ဒီမှာ Power Supply က 110 Volt ဖြစ်နေတယ်လေ၊ 110 Volt ပြောင်းလိုက်လို့လောင်သွားတာပါ။

Customer : ဘာကွ 110 Volt ပြောင်းလိုက်လို့ လောင်သွားတာဟုတ်လား၊

Technician: ဟုတ်ပါတယ်၊ မီးအားက 220 Volt သုံးတာလေ။

Customer : မင်းက ငါ့ကို ငတုံး ထင်လို့လား၊ ငါမီးအားကို ကြည့်ပြီးပြီ 90 Volt ပဲဝင်တယ်ကွ။



(၂) Screen Saver ထည့်ပေးပါ


Customer: မောင်လေး အစ်မရဲ့ ကွန်ပျူတာမှာ Screen Saver ထည့်ပေးပါနော်။

Technician: ဟုတ်ကဲ့ အစ်မ ဘယ်ကွန်ပျူတာမှာ ထည့်ပေးရမှာလဲ။

Customer: အစ်မ အခုယူလာခဲ့တယ်......ခဏနော်.....သွားယူလိုက်ဦးမယ်..

Technician: ဟုတ်ကဲ့ပါ။

Customer: ရော့.....မောင်လေး ဒီကွန်ပျူတာထဲမှာ ထည့်ပေးနော်။

Technician:အာ.... အစ်မ ဒီဟာက မော်နီတာလေ... Screen Saver ဆိုတာက PC ထဲမှာ Install လုပ်ရတာလေ။

Customer: မဟုတ်ပါဘူး အစ်မက Screen Saver ကို ဒီမော်နီတာ မှာပဲပေါ်ချင်တာလေ....




(၃) နီကေးဝေါ်


တစ်ခါတုန်းကပေါ့ Computer Center တစ်ခုမှာ တရုတ်လူမျိုး တစ်ယောက်ကွန်ပျူတာ လာဝယ်ပါတယ်။ Sales Center ကအရောင်းစာရေးမလေး တစ်ယောက်က တရုတ်လို နည်းနည်းတတ်တယ်လေ။ ဟိုတရုတ်လူမျိုးကလည်း အင်္ဂလိပ်လို မပြောနိုင်တော့ သူ့ကိုပဲအားကိုးရတော့တာပေါ့။

ကွန်ပျူတာကို စိတ်ကြိုက်ဝယ်ပြီးတော့ ပိုက်ဆံရှင်းတဲ့ အခါမှ တရုတ်လိုတတ်တဲ့ အရောင်းစာရေးမလေး ရဲ့စကားကြောင့် တရုတ်လူမျိုးကြီးနားမလည်နိုင်တော့တာပေါ့။ အရောင်းစာရေးမလေး ပြောလိုက်တာက....

"နီကေးဝေါ် တန်း အစိမ်း"

တရုတ်ကြီးလည်း နားမလည်ဘူးပေါ့ ဘာတွေပြောလည်း မသိဘူးလို့ပြောတယ်။ စာရေးမလေးကလည်း သူပြောတာနားမလည်ရကောင်းလားပေါ့...ထပ်ပြောတယ်....

"နီကေးဝေါ် တန်း အစိမ်း"
"နီကေးဝေါ် တန်း အစိမ်း"

အမှန်တော့ သူပြောလိုက်တာက "ငါ့ကို ဆယ်ဒေါ်လာ ပေးပါ" လို့ပြောလိုက်တာပါ။ မြန်မာနိုင်ငံ ရဲ့ ဘန်းစကားနဲ့ တရုတ်လူမျိုးအစစ်နဲ့ တွေ့သွားလို့ နားမလည်တော့တာပေါ့။

နီကေးဝေါ် = ငါ့ကိုပေးပါ
တန်း = ၁၀
အစိမ်း = ဒေါ်လာ

(တရုတ်လို အသံထွက်မှားရင်ပြင်ပေးကြပါနော်)



(ကျွန်တော် ကွန်ပျူတာစင်တာ မှာ အလုပ်လုပ်တုန်းက ကြုံခဲ့တာလေးတွေပါ)